-
Dáhton
-
25. cuoŋománnu 2024
-
Goas
-
9:00 - 15:45
-
Báiki
-
Nasjonalbiblioteket, Oslo
Eahpeávnnaslaš kulturárbi, njálmmálaš muitalusaiguin ja luđiiguin, lea leamaš guovddáš oassi sámi ovdanbuktinkultuvrras. Muitalusat ja luođit leat leamaš mielde duddjomin oktavuođa ja leat doaibman gulahallangaskaoapmin, guoimmuheapmin, bajásgeassimin ja nu ain. Seminára jearrá movt dát njálmmálaš árbevierru lea váikkuhan sámi mánáid- ja nuoraidgirjjálašvuhtii, nugo dat dál lea.
Dasto vel: Maid lea dáruiduhttin mearkkašan sámi mánáid- ja nuoraidgirjjálašvuhtii? Mo lea sámi mánáid- ja nuoraidgirjjálašvuođa gaskavuohta eará mediaide ja dáidda- ja kulturovdanbuktimiidda?
Oanehaččat dadjat: Makkár áššit váikkuhit sámi mánáid- ja nuoraidgirjjálašvuhtii? Maid dat vurdo ahte galgá dahkat?
Ulbmiljoavkkut: Girjerádjobargit, oahpaheaddjit, girječállit, illustratevrrat, lágádusdoaimmaheaddjit, journalisttat, politihkkárat ja hálddahusbargit, ja mánáidgárde- ja astoáiggefálaldatbargit ja earát. Sámit geat orrot Oslo-guovllus.
- Áigi: duorastaga cuoŋománu 25. beaivvi 2024, dii. 9.00–15.45
- Báiki: Našunálagirjeráju auditoriija, Henrik Ibsens gate 110, Solli plass, Oslo
- Oasit rávdnjejuvvojit
- Dieđihanáigemearri: Cuoŋománu 12. beaivvi
Geahča prográmma ja dieđit seminárii Norsk barnebokinstitutt neahttasiiddus